|
| 其實係大堂帶敬拜都係我一直想嘗試的事奉
估唔到係平安夜晚會有咁的機會 ~
不過始終令我太緊張啦!!
一來被邀請的時候問都唔問我,,
一d心理準備都冇
二來限制實在太多
又要同成人區合作,, 練歌時間難夾
同班長輩講野又唔知點咁.....
仲有揀歌元素範圍又唔大
總之推我出去做個個真係玩我呀!!!! 呢件事太騎呢,, 一直都覺得好騎呢
要叫個大自己20年的人點點點
加上平時對住三隻嘩鬼都夠麻煩啦 XD
完全係零控制!!!!!!
所以我覺得好叻,,
最後至少都 push 到佢地做動作!!! 帶敬拜時都唔敢諗自己會講錯d咩
豁出去扮親民同台下的人講"弟兄姊妹"
但明明有d就係阿姨叔叔,, 我阿媽,, 我阿爸!!!
然後我懶客氣同佢地講好開心
可以一齊唱詩歌讚美神,,
其實我不知幾緊張,, cover 晒d開心!! haha ~
見到佢地打拍子亂晒
我以為自己會好混亂唔知點 ge
不過,, 見到佢地的享受,, 拍子亂又有咩所謂呢 ~ 整個過程,, 都是感恩的 ~
最後芳姐姐同秀雲姐姐都有讚下我 ~
多謝佢地的鼓勵!  我真係緊張到,,
琴日失左成晚眠!
同埋呢日成日都未食過野!!!
唉 ~ 最近緊張就係咁!! 夜晚本來諗住孤獨返屋企架啦
不過咁岩就相約左敬華同嫡嫡一齊去食飯
然後帶病的家曦又 join wor ~
呢個騎呢的組合就去左旺角食 KFC ~ 其實大家都識左19年,,
不過四個咁樣坐埋一齊真係第一次!
感覺幾舒服 ~ 同埋就算識左咁耐
都唔會咩想當年,, 因為我地都冇乜共同回應吧!
但向前望總比較好
不過都唔係傾左好多計
因為大部份時間都係敬華係度串嫡嫡 hahaha ~ 去到後面家曦已經頂唔順呆下呆下咁
送走左佢之後就同佢地兩個外賣許留山
好奇怪,, 就係咁行左差唔多成個旺角一個圈!!
一路行一路傾下計咁就過左12點!!!!
一d都唔興奮咁同佢地兩個講聖誕快樂 haha ~
其實,, 真係唔知有咩好倒數!!!!!!!!!! 最後走的時候好灰呀!
又話有通宵巴士,,
點知等左勁耐都冇就放棄轉搭 mtr!!!
唉 ~ 搞到返屋企仲慢過住火炭的敬華!!!! 不過等緊個陣都好得閒咁 send 下 msg
俾d好朋友同d仔s ~~~~
都係 jeffrey,, coco同生仔乖 ~~ haha ~
最後祝多次大家聖誕快樂 ~~~~~ | | |
| 因為要申請 pgde 的關係
之前係中大申請左份成績單
而且今日返中大拎 ~ 其實明明都知道自己係咩成績
依然好想即刻拆開封成績單重新睇次
結果又係令到自己唔開心 ~
不過都係唔開心左幾秒 份成績單又開始令我諗起好多回憶
通宵做 matlab
成日都埋怨個班讀 jas 屈機同學的日子
溫溫下書都會喊的日子
仲有第一次放 gpa 的心情
再差的事實唔想再講 hahaha 沒有以前的自己
我而家講的每一句激勵自己的說話都係枉然
每一句勉勵朋友的說話都沒有半點同理心
所以,, 經歷總是讓人成長的! 其實都係俾我個 year1 成績影響得最深姐
之後當我繼續睇落去的時候
告訴我已經對得住自己的心靈已經安慰左我!
不過腦裡常常彈左句 "如果你 third hon 點算呀"
我有時真係會發句脾氣,, 管它的!!!
唉! 我要繼續進步!! 不過1月13號可能又係另一次打擊 ~
反正,, 以前就是太大進步空間
現在,, 剩下的真的不多!
唔好誤會,, 我只係講緊我大概已經到極限!!! 都係講返d 開心事
今日去左同 louvier,, 家樂仔,, john
後來仲有個來左... 唔記得左咩名 tim! haha ~
去左打網球!!! 呢個組合真係非常騎呢
成班都係 high-flying 的組仔女!!
真係多得個次咨詢前食飯同 louvier 坐
然後我都只不過講過下我都鐘意打網球
隔左成個月佢竟然係 facebook 約我打!!!
其實有人約我,, 我已經好開心!! ~ 話說我去打之前就係拎個張咁 ge transcript
搞到 down down 地 ~
不過佢地真係好 nice,, 好快就熟 ~
仲成日都讚我打得好! 心情即刻好晒 hahaha ~
其實初初都有 d odd odd 地,,
始終同 louvier,, 家樂仔又唔熟,,
然後仲要唔識 john 又同佢一組 ~ 後來真係變得好好笑
當我去網前執返d波的時候
佢地竟然唔理我繼續開波同打!!!
有幾次差d好狠咁打中我!!!!!!!!!!
我真係唔知佢地約我係咪想殺左我呢個隔離組組爸!!!
然後家樂仔走左之後,,
就佢地兩個打我一個啦
點知佢地又超刻意不斷打我兩邊
有一次係試過來回10幾下走死左我.....
最後雖然都嬴左個球,,
不過打完個下即刻 pat 左係個地度!
佢地仲要聲稱係特意想謀殺我 ~
好啦! 我諗呢次活動我真係中左計 hahaaha 打完波之後就一齊搭火車返屋企
就關心下佢地組聚呀,, 學業呀 ~~
((哎呀,, 我冇問到佢地的感情生活!!!!!!!!!))
haha ~ 可以了解下隔離組都幾好呀 ~
不過我都係個句,,
我玩ocamp唔係4日3夜咁簡單 yeah ~ 好鐘意我今晚同 wincy 講的一句
"唔好晒左我地有的能力 ~" haha 原來打完波的人心情都會 powerful d! 嘩! 1點啦 ~
又係時候繼續實行早睡早起!!!
養好把聲聽日去玩 ~ hahaa ~ | | |
| 是非最可笑的地方,,
在於它最終,, 還是會流傳回到主角耳旁. 我記得我曾經跟大學的基督徒自我介紹
我是一個第二代基督徒
他反問我,, 甚麼是第二代!?
這個名詞大概不是我教會的人作出來吧!
不過,, 我不想在這兒作解釋. 除了家庭外,,
你有試過由生世開始直到現在
還穩定地生活於一個團體嗎!?
我就試過,, 返教會足足21年了. 其實有時我會覺得在這兒很溫馨
因為有人會跟我說,, 我還小時怎樣怎樣的
又有人會跟我說,, 我成長了多少
見到一個相識21年的朋友又很親切 其實有時我會覺得在這兒很陌生
因為見到一個相識21年卻依然疏離的朋友
因為有人還以為我只是小時候的自己
因為,, 我就是會被定位. 如果是了解我,, 歡迎把我定位
否則,, 定位卻是多餘.
只會使我們一直疏離,, 給我制造假象.
既然都被定位,, 我不強求別人的改變.
但我要首先不會接受你們給我的位置.
而且我還要跳出是非之地 是否做司琴曾經被多次做成話題和傳言
人們就是在胡亂猜測我不想做司琴的原因
最後就連傳道人都在傳言我
是因為被牧師罵而做司琴的
在此不想澄清再做司琴的原因
反正,, 他們最終目的已經達到了.
我記得阿 paul 曾經問過我
「點解d人明知你唔鐘意做司琴仲要你做?」
我不記得我怎樣回應了,,
不過現在想重新回答他的問題
「因為你係我最好朋友,, 先會企係我立場度諗 ~ 」 上星期聽說有人說有人說我帶的敬拜流於表面
還要告訴我這可能是因為我與神的關係有關
連我與神的關係都可以一個傳一個都未免太厲害了吧!
其實我有反思,, 不過最後容我講句 : 關你咩事呢!?
我覺得你可以對敬拜小組有評語,,
但不要將評語扯在我和神的關係中
討厭的是,, 流言在中傷我和神的關係 上星期為了考試和星期日開會
才改赴星期日返崇拜
但今天又有人說有人說我
現在好像少了返教會和好不投入教會
我承認我由以前100%出席率到現在已經變成只有9x%
那個「少了」的確成立,, 不過這未免太刻薄
其實,, 我不知道他們都把我的位置定得有幾高了
今天崇拜後有個相識21年的朋友問我
「其實你個人究竟有冇憂慮架!?」
我不懂答他,, 因為我不想將一個
我以為這個團體裡的人都能意識到的答案
要我從口中回答了.
可能樂天就是我在教會中最大的假象.
當然,, 有時我真的是樂天的!
又或者他們很會意識一個返了教會21年的人
在教會所謂理所當然的投入,, 溫暖和歡笑
我不介意這份理所當然的存在,,
只是這樣的相交只會變得相識越耐,, 稀虛越甚. 但感謝神! 互勉的好好兄弟姊妹還是有的
是神一直供給的恩典!
就是不要怕是非. 不要怕任何定位. | | |
| 呢個星期主要都係忙住交兩份功課
同埋下個星期要 present 的 edu
其實我呢個 sem 來來去去
都係得 fin. 同 na 兩科俾的功課
仲要通常隔個星期先要交一份 ~
非常之有規律!
呢個環境下制造出我時間分配得好好的假象 haha ~
但的確唔似得以前咁大壓力
一時就冇功課,,
一時就幾日耐要交5-6份功課!
咁樣真係用唔到個心係感受大學生活架!! 不過我發現呢個星期
我坐係 coffee con 的時間仲多過上堂!!! 星期二 17/11/2009 終於有機會睇到班仔 dem beat
仲要係刻意去 sit 一 sit 50堂去睇 ~
haha 阿 paul 仲錄埋佢地的"頹"樣 ~~~
記得以前上莊 dem beat
我班組爸都會特登來睇而且笑得好開心
我覺得自己呢一刻好似佢地! 好滿足 好好笑,, dem 完 beat 之後佢地都好似唔想走咁
企晒係個天井度傾計吹水
雖然呢一幕只不過係好短暫
不過我覺得大家圍住個情景真係好 warm
同生仔講 contact list,, 同阿 yuk 係度傻笑
哄契仔契女陪我聽日食 tea
有講有笑就係咁簡單!!
不過生仔起飛腿個下真係嚇親我 ~
唉! 而家d仔已經放肆到想打阿爸架啦!! haha 另一面睇,, 其實頭先係擾攘左好耐 XD
因為我一心係約左 jeffrey 去coffee con食 tea
幾經辛苦先拉走到佢... 同埋自己 hahaha
好 yeah ~ 終於同佢食到 tea 啦!!
省略內容 XD 之後因為我等補習,, 佢又要等 tuto
食完就係天井度坐 ~
個陣仲撞到蛋蛋一齊傾計!
佢地都幾乖既 ~ 叫住凍都肯同我坐 XD
不過我都造就左佢地兩個傾心事 ~ haha 呢日我最失敗,, 真係著唔夠衫返學!!!!!! 我唔係有心省略學術上既野架.....
明明呢日係上得最多堂架嘛
但我真係唔記得呢日有咩好講啦...... 星期三 18/11/2009 上堂前提早返中大同班仔食 tea
點知俾佢地哄左去玩 blokus XD
結果就同davy,, jacky,, jessica 玩左一盤啦
唉! 我真係以後都唔想再玩 blokus 啦
我覺得自己玩左咁多次都係咁上下
好冇成功感! 然後每次玩完的感覺
都係覺得自己好蠢 hahahaha ~
同埋我明明已經咄咄逼人
個個都逼到 davy 走頭無路......
點知佢反而最後都嬴到........
點解我個仔可以完美成咁架 ~~~~~~~
好啦! 我其實尾二都唔係好差姐 haha 之後食 tea 越來越多人
包括我,, davy,, jessica,, sing,, ricky,, coco,, jacky同埋 家樂仔
((都係你唔好! 搞到同 coco 成日講數學
影響我聚天倫之樂,, 罰你變得咁細粒 XD))
呢日食 tea 個話題真係超級騎呢
又單車又漫畫又數學
總之,, 就係好毒 XDDDD 記得上 na 個陣同阿曹坐
個陣大家係咁研究份功課點做
研究完一大輪都係冇結果 haha ~
最後兩堂大家應該都冇咩點聽到書
只係掛住份功課!!!!
同埋我得閒又會聊下佢講野
個感覺好似又變返輔聚識佢個陣咁 ~
hahaa 得意的阿曹快d返來啦 ~~~~ 呢晚因為要cc細 soc 傾莊
所以約左 ricky 陪我食晚飯
上完堂約左佢係天井度等
wincy 仲話我傻點解要約係天井度等
個度凍成咁,, 又真係幾傻既! haha ~
不過真係好鐘意坐係天井!!!
同埋最後等到 ricky 到個下,,
個畫面係好有意境架 hahaha ~ 去左 coffee con 食晚飯
其實一直以來都冇乜同ricky傾計的機會
碰面的機會好少,, 一齊的時候又好少一齊坐
所以呢次的飯局都可以話係好難得!!!
唉 ~ 一諗起佢間對住何草的房
我個心都替佢凍埋!!!! haha ~ 食完就去左 cc 細 soc 傾莊
希望可以快d成到莊啦 ~
同埋個 p 係我的仔 ~
然後好好的送走我吧!!! P.S 我唔係亂咁收養兒架 XD
其實我覺得,,
一個契組女,, 一個契組仔就夠了! 星期四 19/11/2009 我記得我上完堂竟然見到 benchow
成個人都勁興奮 " 終於見到你啦!"
好啦! 省略內容 again XD
nachel,, 我出左術啦 hahaha ~ 之後我真係不得不佩服自己
因為我足足坐左係 coffee con 四個鐘!!!!
係呢四個鐘同左好多好多人食野傾計!!!!! 我4個鐘都係坐同一個位,,
但係身邊的人就係咁轉 XD
3半開始同 paul,, jessica,, sing 食tea
冇耐 ricky,, toby,, ken 又 join
4半又剩返我同paul,, jessica,, sing
5半 paul,, jessica 要上堂,,
變左陪 sing,, davy,, nicole 食 dinner
去到6半佢地3個又要 quiz ugc
變左有班莫名奇妙的人同我坐食 dinner!!!
包括生仔,, 阿yuk,, 家樂仔,, louvier <-- 超奇怪組合 XD
然後去到7點幾佢地又走晒,,
又輪到同 paul,, cc tony,, 阿澤,, 安安 食dinner!!!
一睇到呢段咁多人名我都暈 hahaha ~
不過有個重點,,
就係我竟然幾個小時內
同晒 year1 班MAT女仔食飯! haha ~
終於認識左 nicole 同 louvier ~~~~~ 同 ugc 團食 tea 個陣講起生日 ~
sing sing 真係乖 ~
會主動記人生日的人已經唔多架啦!!!
不過佢估我生日真係估乜錯乜
haha 你從此要真係要好好記住我生日!! XD 呢4個鐘除左去過兩次廁所同買過一次野食
就已經冇再 move 過!!!!!!!!!!
呢日已經唔多夠訓,, 真係坐都坐到手軟腳軟!!!!
真係累到去到中段都唔多夠集中精神傾計
不過我都好耐未試過傾計傾到累!!!!!!!!!!!!!
雖然冇咩精神,, 不過只要....
俾我見到班仔已經好滿足..... hahah ~
所以呢4個鐘都係好開心架  唉 ~ 其實等咁耐都係為左睇班仔諮詢
其實我都幾無聊架 ~
諮詢個三個幾鐘又係得個坐字
又唔會問問題 wor ~
我帶定本書睇 ~ 阿 paul 又係度做功課 wor
所以真係純粹為左睇下你地班仔的表現 ja!!!
不過都會留意佢地點樣答問題 ~
成班仔,, 我剩係未聽過 jacky 答問題
真係好可惜 ~~~~~
haha 講到我好似睇 show 咁 tim 最後臨走前同 paul,, 阿澤,, rex 夾錢
係女工買宵夜請成班候選大soc食野 ~
雖然我同阿 paul 要早走睇唔到佢地食 ~
不過都希望佢地食得開心啦!!!!!
唉 ~ 加上 davy 仔真係好有孝心
當佢地食緊我地d宵夜的時候
仲打來親自多謝我!!! 真係窩心死啦!!! 呢日由於班仔真係太乖 ~
再加上唔知佢地俾人諮成點,, 挨唔挨得住的關係
令到我都失眠!!!!!!! 星期六 20/11/2009 敬拜小組都未試過咁缺人
先係迷失的少爺峰,,
點知仲多個抱恙的 daisy
搞到得返我,, 毛毛同 himhim
真係成個感覺即刻又唔同左!!!
差d仲諗住同毛毛一齊做領詩 XD 不過我覺得唔會太擔心敬拜小組既
呢個班底絕對係上左軌道 ~
同埋有準備的,, 神始終會喜悅的 ~
喜歡詩歌"全新的你"和"因著信"
我自己都很有感受 ~~~~~~ 返完教會之後就去旺角同 eugenne 食晚飯
我本來一心係諗住關心佢
點知見面之前其實敬華已經透露左佢唔少野我聽
然後我就已經單刀直入超直接 haha ~
我覺得我處於的關係實在太有趣
我會由敬華得知 eugenne 的(蠢)事,,
亦會由 eugenne 得知敬華鬧佢(蠢)的事,,
佢地兩個就係莫名奇妙的超熟!!!!!!
不過我唔明白,, 點解要話返俾我聽!!!
其實... 又真係幾好笑既 hahahha ~ 同 eugenne 去左間拉麵店好好食!!!!!!
然後又邊行街邊飲貢茶好捨意 ~
佢又陪我睇靚錶 ~
但d錶都好貴,, 我唔捨得買!!!!!!
不過唔緊要 ~
有人陪的感覺,, 已經好珍貴!!!
呢晚好 enjoy ~! btw,, eugenne cheer up ~~~~~~~~~~~~~ 隔左個星期,,
我就已經覺得呢個星期過得好陌生!
我的記憶唔可以咁快衰退架!!!!
不過如果想好好記敘
都係係最大感動個陣打最好既! | | |
| <<九型性格與生命成長>> 的讀後感
絕對是一個人生都沒有好好看過十本書的人
所打的一篇難得感想! 我很認同九型人格的分析
不是因為它把我的性格說得有多中
而是我實在太喜歡它的一套成長理念 但無可否認,,
它的確把我這個 6號仔都說得太中. 我有嘗試將其餘八個型格都用心了解
不過閱讀中途我已經忍痛放棄了
因為,, 我大概不能明暸吧.
令我最費解的,, 真的是 3號仔!
希望未來有機會聽到真人分享 ~
考完試,, 我會努力再把其他的看完!
非常捨不得將書還給 Oscar 啊 ~ 可能只有 6 號仔的人
才明白我以下在說甚麼外星話! haha
不知道從何開始,,
我就很難信任自己
總覺得自己長期困於憂慮之中
但人生卻偏偏最渴想就是一份安全感
有時,, 我就是給人感覺沒有自信
用「騰雞」形容自己最好不過 ~ 憂慮迫使我常想像傷感的未來
很多悲慘情景
我已經一幅幅編排好在我腦中不同位置
為的都是心理準備,, 作好最壞打算.
想像好拿到 third hon 的失落
想像好 grad 時離別的一幕,, 大家互抱怒哭
想像好畢業後在家無所事事,, 被人冷笑自己是二世祖
想像好單身過活,, 在家裡孤伶伶的老一生.
就算是正要去和一班朋友下午茶閒聊,,
我都會在想 「他們會覺得開心嗎?」
「話題會不會很沈悶?」
「我會不會講錯說話?」
這個時候,, 身邊的人總是勸我不要想太多.
不過通常這句反而令我想得更多
因為我又會問多句 " 為何我想得太多!?" 得到安全感的其中一門快捷方法就是依賴
書中還強調是依賴「權威」
只要是我認為值得信任的人,,
我就會百分百依賴他的意見和他指示的方向
我喜歡被規範、被保護
歸根究底,, 還是在逃避焦慮
所以同樣地,, 我可能亦是一個「搞屎棍」
因為焦慮令我懷疑對方的權威
當他的「權威」失去了,,
我的反叛... 大概就是物極必反吧!
有時我覺得,, 我實在令他們又愛又恨 猜疑別人是我的一直的老毛病
事實可能是將焦慮投射在別人身上
正如書中所說,, 就是將事情都看得太過負面
別人的背後動機對我來說很重要
所以他們每一個表情,, 每一句
都有機會被我的負面心情扭曲成同樣負面
當然,, 他們可能有時真的是負面的! 我接受自己的內心充滿焦慮
因為我知道它不是絆腳石
讓我沈睡於黑暗、悲傷之中
而是推動自己,, 去成長 愛裡沒有懼怕 ; 愛既完全，就把懼怕除去，
因為懼怕裡含著刑罰，懼怕的人在愛裡未得完全。 約壹 4:18 要多聆聽自己的聲音
是為了回復信心,, 自我肯定
有時我都覺得很奇怪
會不其然自言自語
安慰自己,, 鼓勵自己的說話層出不窮
可能,, 這就是聽到自己的需要吧. 一見到「冒險精神」四隻字就覺得很害怕
害怕出錯,, 害怕新事物,, 害怕離開規範
可能逃避大ocamp,, 宿舍生活就是好好的例子
但我就要學習嘗試! 克服恐懼!
讓自己多經歷,, 多表達自己! 我承認,, 知心好友對我來說是很大的力量來源
在美好的關係中建立誠信、溫暖
能忠心的對侍他人
擁有安全感後,, 正正是愛裡沒有懼怕!
所以,, 我的確會杜絕酒肉朋友的 haha 在群體中我太不懂得講述自己了.
我喜歡融入群體,, 依附群體
陪住我就會自然除去恐懼
但過份的依附往往讓我失去自己
一直希望別人多表達,, 問很多問題
靠別人的回應維繫安全感
但被接納、被包容是靠著相互的關係
我要告訴自己,, 別人也想了解我的. 但我真的不明白怎樣才學習到 9 號仔的「活在當下」
腦中可以不胡思亂想,, 不停地思想憂慮!
然而,, 我認同當我到了適當時候
我就自然享受到活在現今 ~
只是不知這個時機,, 幾時才到! P.S 書中提出人經驗世界和人生有三種方式
包括用感覺(心)、思考(腦)、行動(腹)
我用了很多日才接受到 6 號仔主要用腦去經驗!!
我一直以為自己的內心感受才是最強的!
不過認真仔細想過後又不無道理 ~
因為我的某部份的記憶實在太驚人又精彩!
只是我接受不到的原因,, 是我的分析和想像都十分差!
但我又不敢說自己以感覺主導人生
因為我都不太覺得自己很感情用事 ~
反而要講很多所謂的「原則」吧! 面對焦慮,, 就是我整個人生的功課
但在戰兢中,, 我還是可以存在勇敢的
就好像我很害怕蟑螂,,
在於又想殺又想避的掙扎之中
但最後,, 牠還是死在我的腳下! 其實忠心和勇氣,, 對我而言就是太重要了. 主人說 :「好 ! 你這又良善又忠心的僕人，你在不多的事上有忠心，
我要把許多事派你管理 ; 可以進來享受你主人的快樂。」 太 25:21 這樣,, 我就安全了 ~ | | |
|
